Kaso sang Covid-19 sa Negros Oriental liwat nagsaka kasunod sang pag kumpirma sang Delta variant sa probinsya.
Ongoing na sa karon ang intensive nga contact tracing sang Negros Oriental Inter Agency Task force sa mga close contacts sang una nga apat ka kumpirmado nga Delta variant cases sa probinsya.
Lunsay local transmission ang ini nga mga kaso suno kay provincial IATF ground commander Dr Liland Estacion.
Duha ka kaso ang yara sa Dumaguete City nga pareho may travel history sa Cebu kag Negros Occidental. Isa naman ang sa Manjuyod pero ini ang gin swab sa banwa sang Ayungon.
Kag ang isa ang residente sang Bayawan City.
Recovered naman sa karon ang apat ka mga nag positibo sa Delta variant suno kay Estacion.
Kasunod sa pag kumpirma sang Delta variant sa probinsya, nag saka naman sa liwat ang Covid-19 cases sa Negros Oriental.
85 ang dugang nga kaso sang kahapon. Nag saka na sa 424 ang active cases sa probisnya.
Samtang, ang Negros Occidental ang may 41 man ka bag-o nga kaso sang Covid-19 kahapon kag 36 naman ang sa Bacolod.
871 ang active cases sa Negros Occidental kag 901 naman sa Bacolod.