Nagpagwa sang kahapon sang announcement ang NOCECO nga may dako nga buhin sa bili sang kuryente per kilowatt hour para sa billing sini nga bulan sang Hunyo.
Ang residential rate maga nubo sang P3.15/kwh kay may yara sang P2.76 man nga pagnubo sa generation charges kun ikumpara sa bulan sang Mayo.
Kag ang dako nga kabangdanan sa pagbarato sang kuryente amo man ang pagbarato sang bili sang kuryente sa wholesale electricity spot market ukon WESM nga may pagnubo man sang P4.84.
Buot silingon halin sa P17 .96 /kwh mangin P14 .80 na lang.
Gina paabot sang NOCECO nga padayon nga maga nubo ang bili sang kuryente samtang naga nubo ang demand para diri kay naga sulod na ang tigtulugnaw nga mga binulan.
Ang Pulupandan padulong sa Hinoba-an sa Southern Negros ang nasakupan sang NOCECO.