Matapos ang halos isa ka oras nga pagbunok sang ulan sang Hwebes sang gab-i, may pagsaka na naman ang tubig baha sa Santa Clara Subdivision sa Barangay Mandalagan sa Bacolod City.
Ini base sa video nga ginpadala sang isa sa mga residente sang amo nga subdivision.
May gamay naman nga pagbaha sa pila ka mga dalanon pero madasig lang nga nagtahaw.
Damlag pa, gin guba sang City Legal Office ang bahin sang isa ka asinan sa Barangay Banago sa Bacolod para padakuan ang guluwaan sang tubig halin sa drainage system sang siudad.
Bangud abe sa pader sang asinan nag gamay ang alagyan sang drainage sa amo nga area lakip na sa Santa Clara Subdivision.
Ginsiling ni Mayor Greg Gasataya nga may double barrel pa gid nga tamburong nga gin block ang asinan kag kinahanglan ini nga mahawanan kay ini man sa gihapon ang isa pa gid sa mga rason kun ngaa naga baha ang amo nga area.
Magluwas sini padayon man ang dredging sa mga suba para mapahagan hagan ang pagbaha.