Tubtob sa karon, may mga 500 pa ka indibidual sa banwa sang La Castellana ang naga pabilin sa mga evacuation center kasunod sang pag ka guba sang ila nga mga balay bangud sang bagyo Tino.
Duha na ka bulan ang nagligad, pero may mga 500 pa ka pumuluyo nga yara sa mga identified evacuation centers.
Ini suno kay John BF de Asis ang pamuno sang Disaster Risk Reduction Management Office sang La Castellana.
Ang mga nagkalabilin suno sa iya yadtong mga nag kala wash out ang ila nga mga balay gani wala na sila sang may mabalikan.
Ang pila sa ila padayon nga naga tenir sa mga eskwelahan kag iban nga identified nga evacuation site.
Nagdangat sa 4,000 sadto ka pumuluyo ang nagkalagub-an sang balay sang mag igo ang bagyo Tino sang Nobyembre 4.
“May ara pa inside sang evacuation center sa school. So nag ayo kami sa school nga ma extend, kay I-transfer sila namon para maka resume sila face to face most sa mga schools nga gin occupy as evacuation center”, suno kay de Asis.*