Indi man depleted ang 2022 annual budget kag ang P78 million nga nabilin nga pondo para sa Mayor’s Office ang natalana sa general services sang job order workers kag casuals.
Suno kay Mayor Albee Benitez may pondo pa ang city government para sa iya mga priority project sa sulod sang 100 days.
Sa karon padayon man ang technical working group sa pagbalay sang kontrata sa tunga sang city government kag private hospitals para sa Bacolod Comprehensive Health Care Program.
Matapos man nga maabtan ang nagalipta nga basura sa iya pag inspeksyon sa merkado,maga sugilanon man ang alkalde sa mga vendors agud mapabilin ang katinlo sang mga merkado sang siudad.
Samtang tuyo naman ni Benitez nga mangin festival of the year ukon decade ang natalana nga MassKara festival kun diin iya ginapaabot ang pagdagsa sang kapin 200,000 ka turista.