Ini ang linya sang sisenta anyos nga si Edna Hermoso sa kada may mag labay sa may downtown sang bacolod. Sumugod las nuebe sang aga naga plastar na siya sa gwa sang baligyaan sang sapatos tubtob na mag hapon.
Suno kay Nanay Edna, kinse ka tuig niya na ini nga palangabuhian. Nagka pamilya na ang duha niya ka mga kabataan kag napatay na ang iya mister pero siya naga pabilin sa downtown sa gihapon kag naga libod sang plastic.
Ang pinka barato kuno nga plastic, lima ka pesos, may napulo ka pesos, may kinse, may beinte, may beinte signko… Sa mga indi maluyag mag gamit sang plastic, may eco bag man siya, tag singkwenta. Kag ang pinaka dako siyento singkwenta pesos.
Bisan paano kuno wala man siya gaka zero. Maka pauli siya sang shin pesos tubtob siyento singkwenta, ok na siya. May ibakal na siya sang sud-an kag bugas.
Suno sa iya mga kaupod, diri na si Edna natubuan sang uban.
Sadto anay kadamo sa ila naga dagsa sa kada puertahan sang mga baligyaan pero subong, tagsa sa ila may kaugalingon na nga pwesto.
Si Edna sa tabok sang Central Market, may iban naman sa tabok sang plaza nga side.
Sa sini naman nga side sang downtown naga libod sang plastic si Elma But-Oy kag ang ini pa gid nga babaye.
Ini naman kuno ang ila nga area.
Tanan sila ini lang man kuno ang nahibaluan nga pamaagi agud maka income.
Wala sila naga untat sa pag tanyag kag sa pag tindog sa bilog nga adlaw. Si Manang Edna pagpauli sa ila sa Handumanan, husto lang mamanyos sang iya mga batiis pagka gab-i para sa bilog nga adlaw nga tindog kag lagsanay sang customer. Pagka sunod nga adlaw, balik naman liwat sa pwesto kag tindog bilog nga adlaw.