Las dos sini nga hapon ang Tropical Depression nga Kiyapo ang yara sa 715km east sang Tuguegarao City sa Cagayan.
May kabaskugon ini nga 45 km/h tubtob 55 km/h kag naga giho sa northwestward nga direction sa kadasigon nga 30km/h.
May mga probinsya na sa Northern Luzon nga ginpaidalom sa Tropical Cyclone Wind Signal Number 1 bangud nagapalapit na ang bagyo.
Ginapaabot nga sa Biyernes ukon Sabado tabukon sang bagyo ang Northern Luzon nga area malayo-layo sa Visayas pero suyopon sini ang hangin nga Habagat nga amo naman ang magadala sang ulan sa western nga side sang Pilipinas parehos na lang sang Palawan, Western Visayas kag Negros Island Region.
Makita sa mapa nga ang mga bahin sang Visayas kag Mindanao natabunan na sang mga panganod nga amo ang nagadala sang ulan gani may mga areas na sa karon ilabi na sa Mindanao area nga ginabaha.
Subong nga adlaw yara sa yellow rainfall warning ang bilog nga isla sang Negros. Buot silingon 50-100mm sang ulan ang palaabuton naton nga mahimo mag resulta sa pagbaha sa mga urbanized area, mga nanubuan nga mga lugar kag mga malapit sa suba.
Balantayan man ang paghumok sang duta nga mahimo mag resulta sa landslide.
Tubtob sa weekend magapabilin sa yellow rainfall warning ang Negros Occidental.
[sibwp_form id=1]