May mga nag amat-amat na patindog sang structure sa mga nasunogan sa Brgy 27 sa Bacolod. Ayuon sila nga wala lang anay may magamit sang light materials.
Ginsiling ni Atty. Mark Steven Mayo, City Administrator sang Bacolod City magapatigayon pa lang sila sang relocation survey kay ang nahibaluan pa lang nila ang kalaparon sang propiedad nga gina panag-iyahan sang national government nga yara sa 7,797 square meters.
Kun ano lang kalapad ang nahalitan sang sunog ang sarang mahibaluan matapos ang relocation survey.
May mga area nga wala nasunog pero yara sa sulod sang propiedad sang gobyerno.
Matapos ang 15 dias kinahanghlan na sang mga nasunogan magbiya sa Apolinarion Mabini Elementary School kay mabalik na sa in-person classes ang mga estudyante.
May mga nasunogan naman nga nag amat-amat na butang haligi liwat sang ila nga balay.
Ayuon sila nga wala anay sang gamiton nga light materials parehos sang kahoy kay delikado sa sunog.
Luyag sang siudad nga masiguro anay ang safety nila antes sila pabalikon sa area.
Masobra sa 250 ka pamilya ang na apektohan sang sunog ukon malapit sa 1000 ka mga residente.
[sibwp_form id=1]