May 150 milyones pesos tanan ang gintalana nga pondo sang siudad para sa pagkaayo sang tatlo ka mga merkado sa siudad.
Pero indi malipod nga sa pihak sini kadam an sa mga vendors ang wala naga bayad kag pirmi delay sa pagbayad sang renta sa siudad.
Sa pagsinapol sang katapo sang Committee on Markets, ginsiling ni Mayor Albee Benitez, isa sa mga merkado ang may P11M pesos nga arrears ukon wala pa mabayaran nga renta.
Magluwas sa mga merkado, may mga stall owners man sang Manokan Country nga wala nagabayad sa tinuig na nga pag-operate.
Suno sa alkalde pasakaan nila sang kaso kag sarang mapahalin ang kutob sa mga indi magbayad sang ila utang sa siudad.
Ang alkalde ang nagpatawag na sang pagsinapol upod sa mga opisyal kag tiglawas sang Market Vendors Association agud mapat ud ang mga tikang sa pag settle sang mga delinquent accounts.
Ginapaabot niya man ang pagpasar sang resolution sa konseho angut sa paghatag sang amnesty sa mga market vendors nga sarang magbayad sang ila arrears sa siudad.