Bilang pag panghanda sa gina paabot mabunok nga ulan nga pagadal-on sang Bagyo Basyang pila ka mga lugar sa Negros Occidental ang nag patuman na sang pre-emptive evacuation.
Kaangay na lamang sa Cadiz City kun sa diin kaina sang udto may mga pumuluyo sa Sitio Paniqui-on sa Brgy Tiglawigan ang gin-evacuate sa eskwelahan sa pag pasiguro sang ila nga kahimtangan.
May gin-evacuate man sa Calatrava. May 248 ka persona ang naga tenir sa karon saa Evacuatio, Center Alpha sandig sa post sa page ni Mayor Marilyn Era. Maga bukas pa gid sila sang Evacuation Center Bravo.
Sa Moises Padilla, gin patuman man ang pre-emptive evacuation.
Sang kahapon pa lamang nag mando na si San Carlos City Mayor Renato Gustilo kag Hinigaran Mayor Mary Grace Arceo sang pre-emptive evacuation.
As of press time wala pa sang report sang pag bubo sang mabunok nga ulan sa Negros Occidental.
Gin siling ni Provincial Administrator Rayfrando Diaz nga padayon ang pag panghanda para sa mga relief goods – nga food kag non-food items para enkaso nga kinahanglanon ini sang mga LGU gilayon man nga ma deploy.
May mga naka preposition nga nga daan damlag pa. Ang mga logistics kaangay sang ambulance kag mga water assets ang na pang deploy naman.*
[sibwp_form id=1]