Bagyo Dante ang nagtuga sang pagbaha sa pila ka bahin sang Negros Occidental.
Duha naman ang padayon nga gina pangita sa banwa sang Hinoba-an.
Matapos magtabok sa highway sakop sang Barangay Bulwangan kagab-I, na-anod sa iya nga pick-up ang retired pulis nga si Master Sergeant Dacoscos bangud sang mataas nga tubig sa highway.
Suno kay Mayor Ernesto Estrao, upod ni Dacoscos ang iya nga asawa. Suno sa Provincial Disaster Management Program Division may sightings sa anay pulis. Na rescue naman kaina sang aga sang mga mangingisda ang asawa suno kay Estrao sa bahin sang Barangay Asya.
Suno kay Zeaphard Caelian ang pamuno sang PDMPD, pito tanan sa separado nga mga insidente ang ginreport na missing sa Hinoba-an, pero nakit-an na ang anum.
Nalakip man sa gin-report nga pito, ang duha ka mga naka inom, ang mag-lolo kag isa ka na-trap sa Barangay Culipapa. As of press time suno kay Caelian ang retired nga pulis na lamang ang gina pangita.
Samtang, sa Binalbagan, may 19 ka pamilya nga gin-evacuate sa Barangay Payao kag Bagroy. Ang overflow sa Bi-ao ang indi malabyan kag may landslide naman nga gin-report sa Sitio Bugalo, Brgy Santol kag GMA sa Brgy Payao.
Sa Isabela naman may 34 ka mga pamilya ang gin-evacuate sa baha.