Sa Bacolod may nagtuhaw naman kaina nga mga community pantry.
Sa tabok sang Negros Occidental High School sa dalan Araneta, isa ka milk tea house ang nagbutang sang pantry sa gwa sang iya nga store. May mga noodles kag delatas pati na habon.
Sa Barangay Villamonte naman, ang pamilya Marigomen ang nagbutang man sang community pantry sa gwa sang ila nga balay sa Malaspina Street. May mga utang nga gina tanyag ang pamilya.
Sa Sipalay City… Si Don Celeda ang nag umpisa man sang community pantry. May mga nagbutang na gani sang mga saging, kamote kag uga sa pantry.
Nangin popular sa Metro Manila ang community pantry. Ini ang pagtanyag sang kun ano ang may ara ka kag ang iban pwede man maka butang sang mga butang nga may ara sila. Diri naman makuha ang komunidad sang ila nga kinahanglanon.
Nagsugod sini sa Metro Manila bangud sang quarantine. Diri nakita nga indi lang ang may mga ikasarang ang pwede maka hatag sang bulig. Bisan sin-o ang pwede maka tanyag kun ano ang may ara sila. Kag ang mga may gina kinahanglan naman ang maka kuha kun ano lang ang gina kinahanglan nila.