Pila ka mga barangay wala maayo naga-cooperate sa ginapatuman nga Business One-Stop Shop sa BCGC.
Humalin sang Enero 2, nangin masako na ang mga ahensya sang gobyerno kag departamento sa pag-proseso sang mga business applications dungan sa paglunsar sang Bacolod one- stop-shop sa Bacolod City Government Center.
Upod sa BOSS ang mga barangay sa tuyo nga mas mapahapos sa mga aplikante ang paghikot sang ila mga requirements.
Pero indi malipod nga asta karon may pila ka mga barangay nga indi consistent sa pagpa-report sang staff kag pagtalana sang ila designated nga desk para sa BOSS.
Ginsiling ni Secretary to the Mayor Atty. Jose Marty Go nga sandig sa gin-issue nga Executive Order ni Mayor Albee Benitez kinahanglan may yara sang desk ang tagsa ka mga barangay sa Business one-stop shop kabahin sang tikang para sa mabuligan ang mga naga proseso sang ila business permit.
Gina pa-verify na sang Mayor’s Office sa Business Permits and Licensing Office ang mga barangay nga wala maayo naga-cooperate sa BOSS agud makadihon sang tikang ang alkalde batuk sa ila.