Ginkumpirmar ni Bacolod City Administrator Atty. Mark Mayo nga 124 ka pamilya na lang ang nagapabilin sa evacuation center sa Apolinario Mabini Elementary School matapos ang natabo nga sunog sa Barangay 27 sadtong Setyembre 12.
Kun base sa validated data sang Department of Social Services and Development ukon DSSD, 295 tanan ka mga pamilya ang na apektuhan sa sunog.
15 ka adlaw lang sila gintugutan nga mag tinir sa eskwelahan kay kinahanglan na sang mga estudyante diri nga mag balik sa face to face classes.
Suno pa kay Mayo, yara na sa 60 tubtob 70 percent ang cleared area sa Barangay 27. Nagsige ang clearing sang Biyernes kag Sabado kag temporary lang nga nag untat kag liwat na naman nga maga padayon sa Martes.
Ginsigurado anay ang siudad nga safe ang mga nasunogan sa ila liwat nga pagbalik sa ila nga lugar.