May 107 ka mga indibidwal ang suno sa Department of Social Services and Development sang Bacolod City nga naga-istar sa gihapon sa mga kilid sang dalan sa siudad.
Sa ginpatigayon nga mapping sang DSSD sadtong Pebrero 12 kag 13, may 22 ka mga pamilya kag 50 ka mga solo living individuals ang ila nakit-an nga nagapuyo sa kilid sang dalan.
Sandig sa record sang DSSD, nagdiutay na ang mga pamilya nga nagaistar sa kilid dalan pero nagdamo naman ang mga solo living individuals.
Apesar sang nagapadayon nga Anti-Mendicancy program sang siudad, ginsiling ni Alma Gustilo, Assistant Department Head sang DSSD Bacolod nga nagapanago ang mga ini kun adlaw rason nga indi sila dali-dali nga ma identify.
Pero kun magsira na ang mga malls kun gab-i, dira sila nagatulog sa guwa.
Kalabanan sa ila yara nahamtang sa dalan Lacson.
Sa 107 nga mga street dwellers, ang iban indi man mga taga Bacolod.
Pagahatagan sila sang siudad sang cash assitance kag gilayon nga gin-refer sa Department of Social Welfare and Development agud makakuha pa gid sila sang dugang nga bulig.
“Ara sila sa dalan, sa kilid sang mga malls, mag close na bala ang malls. Sa lapit da Lacson area daw damo gid nada sila kon gab-i gatulog lang. Gahumlad sang ila mga banig, or nd man gani plastik kag mga karton”, suno kay Gustilo.*
[sibwp_form id=1]