May duha ka mga lugar sa Negros Occidental nga ginapaabot ang pagsungpunganay sang katapo sang Love Negros kag United Negros Alliance ukon UNEGA, bisan pa nga may alliance na nga naporma sa tunga sang duha ka grupo.
Ini suno kay Vice Governor Jeffrey Ferrer nga amo man ang presidente sang UNEGA. Wala na ginhingadlan pa ni Ferrer kun ano ini nga mga lugar.
Pero damlag pa ginsiling ni Cadiz City Mayor kag sec-gen sang UNEGA nga si Mayor Salvador Escalante nga gina paabot ang pagsungpunganay ni Isabela Mayor Irene Montilla sang Love Negros kag Vice Mayor Renato Malabor, Jr sang UNEGA sa 2022 nga piniliay.
Ginapaabot naman ang pag pa reelect ni Mayor Raymund Tongson sa Himamaylan City. May pila ka mga report nga nag gwa nga maga papili si Board Member Tinto Bascon bilang mayor man.
Samtang, nagsugod naman sa pag issue sang cona ukon certificates of nomination and acceptance ang UNEGA.
Nalakip na diri ang para sa Sagay kun sa diin ang maga papili bilang mayor amo si Vice Mayor Narciso Javelosa, Jr., sa La Carlota para kay Mayor Rex Jalando-on kag Mayor Tongson sa Himamaylan.
“Waay gid ko kabalo sina nga may kontra. Siguro kun may kontra gid man ina ya, diutay man lang na. Let’s say, for example, ang gina hambal ko kun may kontra indi na halin sa duha ka grupo. Kun may kontra sila definitely wala na ya, indi na ya halin sa grupo sang unega. Indi man halin sa grupo sang Love Negros. But, there are two, location nga siguro may ara gid ya love kag enkwentrohanay sa UNEGA,” suno kay Ferrer.