Ang low pressure area sa sulod sang Philippine Area of Responsibility ang ginapaabot nga magatabok sa Luzon sa bwas nga adlaw.
May gamay pa ini sa gihapon nga tsansa nga mangin isa ka bagyo sa sulod sang 24 oras.
Mahinay lang ini pero ginapaabot nga magadala ini sang ulan.
Sa Biyernes gina forecast sang PAGASA nga magwa naman ini sa PAR.
May isa pa gid karon ka LPA nga nakita ang PAGASA sa gwa naman sang PAR.
Malayo pa ini kag wala pa sang direkta nga epekto sa Pilipinas.
Samtang liwat na naman nga mabatyagan ang hangin nga Habagat kag posible ini nga magdala sang ulan sa pila ka mga probinsya lakip na ang Negros Island Region.
