Shadow

May lima ka mga lugar nga gina tanuyag para patukuran sang Bacolod City General Hospital

Layi nga maga giya sa pagpatukod sang Bacolod City General Hospital ginapaabot mapirmahan ni Presidente Rodrigo Duterte sa ceremonial signing of bills sa Malacañang subong nga adlaw.

Tuman na ang kalipay ni Bacolod Congresman Greg Gasataya nga makaligad ang pila ka tuig sarang na matuman ang handum sang mga bacolodnon para sa kaugalingon nga ospital.

Si Gasataya amo ang nagduso sang House Bill 6731 nga magadihon sa pagtukod sang Bacolod City General Hospital.

Dugang sang kongresista nga magluwas sa pagpasanyug sang edukasyon, pagpatuman sang dugang nga infrastructure projects sa kabarangayan iya ginapasulabi ang paghatag

Atensyon sa ikaayong lawas sa pagpati nga ini ang importante ilabi na karon nga may pandemic.

Ang Barangay Bata, Mandalagan, Vista Alegre, Pahanocoy kag Felisa ang pila lang sa mga lugar nga sarang itukod ang ginaplano nga ospital sang siudad.

May mga naga tanyag sang ila nga mga duta para sa ospital sa sini nga mga barangay.

Subong nga gab-i posible na nga pirmahan sang presidente ang hagna sa ceremonial signing of bills sa Malacañang.

Leave a Reply

Your email address will not be published. Required fields are marked *

Secured By miniOrangeSecured By miniOrange