Arestado ang 33-anyos nga lalaki sa ginpatigayon nga buy-bust operation sa Purok Sto. Rosario, Barangay Bata sa siudad sang Bacolod, kaina sang kaagahon.
Kapin 70 grams sang ginasuspetsuhan shabu nga nagabalor P476,000 ang narekober sang katapo sang Bacolod City Drug Enforcement Unit gikan sa subject nga ginkilala kay alyas “Doydoy.”
Gin-alegar nga nagbaligya sang suspected shabu sa police poseur-buyer ang subject sang buy-bust.
Lima ka sachets sang ginasuspetsuhan shabu, P1,000 nga marked money, kag iban pa nga pagkabutang ang nakuha sa lalaki.
Kaso nga pagsupak sa Republic Act 9165 ukon Comprehensive Dangerous Drugs Act of 2002 ang ipasaka batok sa gindakup.