May duha ka mga grupo ang nagahinyo sang Cease ang Desist Order sa palm oil plantation sa banwa sang Candoni.
Negros Occidental Governor Eugenio Jose Lacson ang nagtuga naman sang multipartite team para mag monitor sang environmental compliance.
Ginpanawagan sang Group of Environmental Socialist, Inc. kag Green alert Network Inc., paagi sa isa ka sulat kay Environment Management Bureau VI Director, Ramar Niel Pascua sadtong Oktubre 23, ang cease and desist order kasubong man revocation sang Integrated Forest Management Agreement nga ginhatag sa HAPI ukon Hacienda Asia Plantations, Inc.
Ila ginsiling nga ang natungdan nga proponent sang palm oil plantation sa Barangay Gatuslao ang wala naka apply sang Environmental Compliance Certificate gikan sa EMB.
Naka saad sa EO ni Lacson nga ang DENR ang nag approve sang Comprehensive Development Management Plan sang HAPI sa idalom sang IFMA para sa oil, agricultural kag agro-forestry operations.
Subject ini sa regular monitoring sa pag paseguro sang ila nga compliance sa environmental laws and regulation.
Gintuga ang multipartite monitoring team bangud kinahanglan ang collaborative oversight mechanism.
Ini ang nagalakip sang nagkalain-lain nga stakeholders kaangay sang governnment agencies, project propoponent, NGOs, local communities, environmental experts kag iban pa. Ipasiguro sini ang transparency, accountability kag pagpatuman sang environmental safeguards.