Liwat nga nagkulang ang na submit nga dokumento kag requirements sang MetroWaste Solid Waste Management Corporation sa ginpatigayon nga bidding evaluation sang siudad para sa kontrata angut sa paghakot sang basura.
Gani wala nabuksan ang ila bid proposal sa baylo nagpanugyan ang katapo sang Bids and Awards Committee nga mag-submit sang motion for reconsideration sa sulod sang three workings days.
Nagligad pa nga tinuig nga naga ka disqualify ang bidder tungod sang eligibility. Resulta nga nagaserbe nga lone bidder ang IPM-Construction Development Corporation.
Tubtob karon ang IPM man ang nagadumala sang sanitary landfill sa Barangay Felisa.
Suno kay BAC chairperson Atty. Hermilo Pauyon, magahulat sila sa mangin tikang sang MetroWaste samtang nagapadayon ang evaluation para sa bidding.
Sa P229M nga approved budget for the Contract, may P227M ang bid proposal sang IPM para sa kontrata nga magalawig halin Pebrero asta Disyembre.