Shadow

May dugang pa gid nga mga ospital nga puno na

2 pa ka mga ospital sa Bacolod kag Negros Occidental ang indi anay makabaton sang mga pasyente bangud puno na.

Wala na sang bakante ang Bago City Hospital sa siudad sang bago amo nga temporaryo nga indi anay sila magbaton sang pasyente.

Sirado man karon pati ang opisina sang City Disaster Risk Reduction Management Office para sa disinfection.

Ini matapos isa sa ila empleyado ang nagpositibo sa covid-19 suno kay Dra. Merijene Ortizo, pamuno sang Bago DRRMO.

Sa Bacolod, gin-anunsyo man sang Metro Bacolod Hospital And Medical Center nga yara na sa full capacity ang Covid-19 wing sang ospital.

Sa abiso naman sang Corazon Locsin Montelibano Memorial Regional Hospital, pwede na ma-accomodate ang mga non-covid patient sa Department Of Pediatrics.

Ugaling para lamang ini sa mga pasyente nga may extreme emergency cases.

Ang kakulang sang medical personnel kag hospital beds ang isa sa mga ginatagaan atensyon sang katapo sang Bacolod Emergency Operation Center karon nga yara naman sa kritikal ang sitwasyon sang mga health care facilities kag bangud sang alarming cases sang Covid-19 nga ginapatihan tuga sang Delta variant.

Ang pagdugang sang isolation facility, kag pagpabaskog sang vaccination program kabahin sa mga tikang nga ginapatuman agud man mapaiway ang pagkautas sang kabuhi nga dala sang virus.

Secured By miniOrangeSecured By miniOrange