Dugang nga 10 MLD ukon million liters a day nga supply sang tubig ginapaabot magapahagan-hagan na sang kakulang sang water supply sa Bacolod.
Pirmado na ang joint venture agreement sa tunga sang BACIWA- PrimeWater kag Bacolod Bulk Water Inc. ukon BBWI para sa dugang nga 10 MLD nga water supply sa Bacolod.
Gani ginapaabot ni Mayor Albee Benitez nga masolbar na ang problema sa kalulang sang water supply sa southern areas sang Bacolod nalakip diri sa Barangay Mansilingan, Handumanan, Felisa, Alijis, Tangub, Taculing, Pahanocoy Sum-ag kag Singcang-Airport.
Sa record sang Baciwa-Primewater nagalab-ot na sa kapin 84 MLD ang water supply sang siudad.
Malayo ini kun ikumparar sa kapin 70 MLD nga supply sang tig-ilinit.
Ginalauman ni Benitez nga masuguran naman ang intake water and filtration system project sa Matab-ang river agud malab-ot ang target nga kapin 120MLD nga magapasiguro sang sufficiente nga water supply sa siudad.