May mga messages nga nabaton si Bacolod City Mayor Greg Gasataya kasunod sa iya nga pag haylo sa iban pa gid nga posible biktima sang sexual harassment nga mag report kay i-assist sila sang siudad.
Ini matapos ang natabo nga pag-dismiss sa isa ka maestro sang Bacolod City College bangud sang reklamo sang estudyante nga iya ginpangayuan ang sexual favor kabaylo sang passing grade kag favorable academic condition.
Pero suno sa alkalde ginapangyuan nila anay sang ebidensya ang dugang nga mga tagreklamo kag i-assess nila ang reklamo.
Luyag sang alkalde nga may balasehan ang reklamo.
Pinaagi sa screenshots sa messenger nga app, tigayon nga naka kuha sang ebidensya ang estudyante nga babayi nga tagreklamo kag na dismiss sa serbisyo ang manunudlo.
Nag-file sang motion for reconsideration ang manunudlo kag ini ang pagatun-an.
[sibwp_form id=1]