Dugang nga 139 ka kaso sang dengue ang na-record sang probinsya sang Negros Occidental sa sulod sang isa ka semana.
Sa March 1 ukon week 9, nga report sang Provincial Health Office, 1,151 ang dengue cases nga na-record.
Kun ipaanggid sa kasubong nga tion sang 2024, 339.99 percent ini nga mas mataas karon.
Suno kay Dr Girlie Pinongan gina paabot naman gid nila ang pagsaka sang dengue.
Wala sila untat sa kampanya labi na ang pag paninlo sa palibot.
Na activate na ang dengue fast lanes kag suno sa iya nakahibalo na ang mga pumuluyo nga enkaso may gina batyag sila ukon nakitaan sang sintoma sang dengue kaangay sang paghilanat, pag palangluya, rashes, dapat gilayon nga mag pakonsulta.
Nagsaka man ang kaso pero indi naman puno ang mga ospital.
Suno kay Pinongan isa man sa ila nga lantawon amo ang mga kaso sang yadtong nag pina-uli sa ila nga mga banwa bangud nagmasakit sila pero ang gina batyag dala na sang dengue. Indi nila mapat-od kun diin nga lugar nakuha ini.
“Yes ang fast lanes sang aton LGUs ang aton hospitals activated. Sa hospital indi siya damo. Gin pamangkot ko man ang taga hospital indi damo ang ila admissions. May admissions sila sa dengue pero manageable lang”, suno kay Pinongan.