Sais pesos asta sais pesos kag beinte sentimos nga saka sa kada litro sang diesel ang ipatuman bwas.
May piso tubtob piso kag kwarenta sentimos naman ang isaka sa presyo sang kada litro sang gasolina.
May lima man ka beses nga nagnubo ang presyo sang produkto petrolyo antes sang natalana nga oil price hike.
Suno sa Department of Energy ang dugang nga saka sa presyo sang produkto petrolyo ang resulta sang desisyon sang OPEC plus nga panubuan sa duha ka milyon ka barrel ang matag adlaw nga oil produce.
Wala naman sang mahimu ang mga motorista kag bisan ang iloy nga si Tessie Fornea. May mobile tiangge siya kag kada adlaw masobra man sa duha ka litro ang iya makunsomo.