Shadow

May bag-o nga rates para sa revenue code sang Negros Occidental

Bag-o nga rate para sa 2022 Provincial Revenue Code sang Negros Occidental ang gin-submit kay Governor Eugenio Jose Lacson.

Suno kay Provincial Administrator Rayfrando Diaz, ang proposed rates ang na desisyunan matapos nga ma deliberate sang Committee on Amendments kag sang mga revenue generating offices. Ini ang Part 1 pa lamang sang proposed 2022 Provincial Revenue Code.

Ang Part 2 ukon ang Provincial Mining Act ang iga submit pa sang Provincial Environment Management Office. Ang natungdan nga proposal ang iga review pa sang Sangguniang Panlalawigan.
Gina lauman nga makabulig sa local revenues ang amo nga tikang.

Nalakip diri ang mga Provincial tax para sa real property, business, franchise, professional tax, padulong sa mga service fees kag charges.

Suno kay Atty Diaz, 2017 pa ulihi nga na update ang Provincial Revenue Code.

Secured By miniOrangeSecured By miniOrange