Sa masobra 12,000l ka mga voter applicants nga nagpa rehistro sa Comelec-Bacolod Office, may anum ang wala gin aprobahan sa ginpatuman nga Election Registration Board hearing.
Ginsiling ni Election Officer Atty. Kathrina Trinio Caña nga ang anum sa mga aplikante ang natalupangdan naka-rehistro sa iban nga lugar base man sa national list sang Comelec Office.
Ginpaathag ni Cana nga pwede pa maka rehistro ang mga gin-recommend for disapproval ilabi na ang mga nag apply bilang new voter sa baylo nga transfer of vote.
Madasun nga magapatuman sang cleansing ang Comelec agud makakas sa listahan ang mga botante nga nagsaylo na kag mga nagtaliwan na.
Gina-amat-amatan nila pati ang delisting sang masobra 24,000 ka mga botante nga ginakabig deactivated ukon mga yadto napaslawan magboto sa duha ka sunod-sunod nga election.