Covid-19 cases sa Negros Occidental ang nanaog na sa walo.
Humalin sang nagsugod ang pandemic, ini na ang pinaka manubo nga na record nga active cases sa probinsya.
Sa April 18 nga report sang Provincial Incident Management Team, walo ang active cases kag zero naman ang new cases nga na-record.
Wala naman naga untat panawagan ang awtoridad sa publiko nga magsunod sa minimum health protocol kag indi mag kumpiansa.
Ini sa tunga man sang pag timbook sang kaso sa iban nga pungsod kag ang gina siling paabot man nga surge sa pungsod.
Naga pabilin ang pag hinyo sang negative rapid antigen test sa mga maga sulod sa probinsya kun indi fully vaccinated bilang tikang nga mapamatukan ang pag lapta sang Covid-19 virus.