Sa morbidity week 29 ukon sang July 13-19 sini nga tuig, may na record nga 8 ka mga bag-o nga kaso sang hand foot and mouth disease ukon HFMD ang Bacolod City Health Office.
Gani nagdangat na sa 86 tanan ang total number of HFMD cases sa siudad humalin sang Enero.
Nagapanguna ang Barangay Villamonte nga may pinakamadamo nga kaso nga naglab-ot sa 12, naga sunod ang Estefania nga may 9, ginsundan ini sang Mansilingan nga may 8 kag ang Singcang-Airport, Tangub kag Cabug may tig 6 ka mga kaso.
Kalabanan sa mga kabataan nga naka angkon sang masakit ang naga edad 1 ka tuig tubtob 10 anyos.
Sang July 6-12 may walo man ka nagdugang nga kaso sa Bacolod.
Ang rashes, init-init, ubo kag hinalanat ang mga common nga sintomas sang HFMD.
Madasig ini manglaton pinaagi sa pag ubo ukon pagpanghatsi, pag share sang kubyertos kag pag uyat sa mga bagay nga kontaminado sang virus.
Ang pirme nga pagpanghugas sang kamot ang isa sa mga pinaka epektibo nga pamaagi para makalikaw diri.