Dengue sa Western Visayas ang nagdangat sa 6,000 cases.
Sa November 12 to 18 nga morbidity week nga gin release sang Department of Health, may 142 ka bag-o nga na record nga dengue cases sa Region 6.
May isa naman ka new dengue death nga na record kag ini ang gikan sa Capiz.
Humalin Enero nagakasayuran nga 6,013 ang dengue cases nga na record pero kun ipaanggid sa kasubong nga tion sang nagligad nga tuig, 59 percent ini nga mas manubo.
Sa report sang DOH, ang probinsya sang Aklan ang may pinaka madamo nga bag-o nga dengue cases nga na report – 34, ang Iloilo City ang naga pangduha – 32 new cases kag Iloilo Province naman ang naga pangatlo – 30 new cases.
24 naman sa kabilugan ang dengue fatalities.
Ang Negros Occidental ang may 14 new dengue cases kag ang Bacolod naman may 8 new cases.
Padayon ang kampanya sang DOH sa matinlo nga palibot para malikawan ang dengue.