Dugang nga 13 ka mga eskwelahan sa idalom sang DepEd Negros Occidental ang gin aprobahan para sa limited face to face classes.
Suno kay Ian Arnold Arnaez ang PIO sang DepEd Negros Occidental Division ang 13 ka mga eskwelahan ang gin-aprobahan kahapon lamang.
Mahimo nga sila ang maga sugod na pagkatapos sang semana santa.
Suno kay Arnaez nalakip sa na aprobahan ang Negros Occidental High School.
Naga kasayuran nga sa karon may 37 na ka mga eskwelehan sa DepEd Negros Occidental Division ang aprobado sa limited face to face classes.
Ini nga mga eskwelahan ang gikan sa nag kalain lain nga grade level kasubong man sa kindergarten.
4.5 hours lamang ang pagatugutan sa face to face classes kag indi man ang tanan nga subject ang iga offer.
Mas ginahatagn prayoridad sang DepEd ang mga naka bakuna nga mga learners. Ang banwa naman sang Valladolid ang pinaka una nga LGU kun sa diin ang tanan nga mga eskwelahan ang na aprobahan para sa limited face to face classes suno kay Arnaez.
May 12 naman ka mga eskwelahan nga gina validate sa karon suno kay Arnaez.
“It is still limited kay tungod not 100 percent of the students are allowed. Gina prioritize ta lang anay, as of the moment, ang pinaka priority, ang preferred sang DepEd is vaccinated learners. Tapos limited siya kay tungod nga ang number of hours indi siya the usual nga 8 hours, for 4.5 hours lang oras nila sa eskwelahan. Limited siya kay indi tanan nga subject gina offer. Most essential lang gid anay, ang mga competencies nga very important ang gina tudlo”, suno kay Arnaez.