Patigayunon sa Bacolod City National High School Gym, Bacolod City College Gym, kag Villamonte Gym ang pag panagtag sang payout para sa apektado sang bayo Tino.
Hwebes sang aga, nagsapol si Mayor Gasataya kaupod si DSSD Head Richelle Verdeprado-Mangga, City Administrator Atty. Mark Mayo, kag ang mga opisyal sang mga barangay agud igaplastar ang mangin sistema sa patigayunon nga payout.
Suno kay Gasataya, bukas ang DSSD sa tion nga may ara sang concerns ang mga barangay.
Sa first batch sang payout, makabaton sang ₱10,325 ang 3,430 ka mga may balay nga totally destroyed, samtang ang 14,823 ka persona nga may balay nga partially damaged makabaton sang tig ₱5,369.
Ini nga payout ang para sa taga Barangay 1 tubtob 41 kag sa Barangay Alangilan tubtob naman Felisa in alphabetical order.
Ang second batch sang payout sa bulan na sang Enero.*