May tatlo ka dengue deaths nga nag dugang sa record sang probinsya. Nagakasayuran nga nagdangat na sa 17 ang dengue related deaths sa kabilugan.
Ini suno kay Provincial Health Officer Dr Ernell Tumimbang nga nag siling man nga ang amo nga datus ang wala pa malakip sa week 30 ukon July 30 nga report karon.
Indi pa man nila mapat-od pero mahimo nga ulihi na nag pakonsulta ukon nag pa ospital, nga sa masami amo ang nagakatabo.
Sa July 30 nga report, 2,948 ang dengue cases.
956.63 percent ini nga mas mataas sang sa kasubong nga tion sang 2021. Pero suno kay Tumimbang, ang 193 nga new dengue cases sa week 30 ang mas manubo na kun ipaanggid sa 272 new dengue cases sang week 29.
Sang week 28, 303 ang new dengue cases. Ikatlo na nga semana nga naga panubo ang dengue cases.