Sa 72 ka swab samples nga ginpadala sang Bacolod sa Philippine Genome Center, may 21 diri ang nagpositibo sa Omicron variant base man sa resulta sang genome sequencing.
Ang mga samples ang kuha humalin Enero sinko tubtob dise otso.
Sa record sang Emergency Operations Center, onse sa mga nagpositibo mga lalaki kag napulo ang mga babaye nga nagapang-edaron 23-50 anyos.
Ginpahayag ni Em Ang, executive director sang EOC nga fully recovered na ang 21 ka mga nalatnan sang virus samtang nagapadayon ang ila contact tracing agud nga mapunggan ang paglapta sang virus.
Sang nagligad lang nga bulan sang na-record man ang 21 ka mga Omicron cases sa Bacolod.