May halos 200 ka mga open site na karon sa Negros Occidental nga sarang mabisitahan.
Suno kay Provincial Tourism Officer, Cheryl Decena, ini ang naga lakip sang mga café, mga mountain kag beach resorts kag mga restaurants ukon mga kalan-an nga pwede makadtuan sang mga bisita ukon mga day tourists.
Wala pa diri malakip ang mga accomodation kun sa diin sarang maka tenir ang luyag nga mag overnight.
Positibo si Decena nga amat-amat na ang tikang para sa recovery sang tourism industry gikan sa pag igo sini sa pandemic.
Gina pabakod karon sang ila talatapan ang capacity building agudto maalalayan ang mga stakeholders.
“It will be a gradual recovery process. Like subong we are working hand-in-hand with the tourism officers kumbaga different frontliners nila through capacity building trainings. Why capacity building because practically some were starting really from scratch they have employees that have transferred already to another livelihood na wala na nila na retain the past two years so mga bag-uhan naman ila na employees, na frontliners. May ara naman na they requested to be enrolled in the refresher trainings because daw nalipat naman sila sa skills nila”, suno kay Decena.
Damlag pa ginreport sang Provincial Tourism nga target sang nila ang 500,000 tourist arrival sa tuig
- Sang nagligad lamang nga semana nagbukas balik ang Mambukal Resort and wildlife sanctuary, kag sang Domingo fully booked ini sa day tourists.
Suno kay Decena, naga operate ang Mambukal sa 50 percent sa kapasidad sini kag amat-amat lamang ang pag operate sa 70 percent sang capacity sini.