Bangud sang pag saka sang kaso sang COVID-19 sa mga katapo sang Bacolod City Police Office, sila ang nag patigayon na sang surveillance testing sa mga personnel ilabi na sa mga pulis nga na assign sa napulo ka police stations sa siudad.
Suno kay Police Lieutenant Liberty Indiape, PIO sang BCPO, una nga gin paidalom sa swab test ang mga pulis sa Police Station 1, 2, 3, 4, 5 kag 6, pati ang mga katapo sang Bacolod City Mobile Force Company.
Ang resulta, 20 tanan ka mga pulis ang dugang nga nag positibo sa COVID-19 suno kay Indiape.
Pito ang nag positibo sa Police Station 6, pito sa Police Station 3, lima sa Police Station 5 kag isa sa Police Station 1.
Sila ang gin pang isolate naman kag nagapatigayon na sang contact tracing ang BCPO.
Maga augment sang dugang nga mga personnel ang BCPO sa sini nga mga police stations suno kay Indiape.
Natalana man ipaidalom sa swab test ang mga pulis sa Police Station 7, 8, 9, kag 10.
49 ang total active cases karon sa BCPO.
Samtang, nagsaka man sa 30 ang active cases sa Negros Occidental Police Provincial Office matapos may 6 ka nag positibo kahapon nga mga personnel nga naasign sa NOCPPO headquarters.
Gindisinfect naman subong nga adlaw ang NOCPPO kag suno sa PIO nga si Lieutenant Abegael Donasco, gin paidalom na sa swab test ang mga close contact sang mga nagpositibo nga pulis.