Liwat na naman nga nagdamo ang gina pang dala nga na patay sa Covid-19 kag gina pa lubong sa Handumanan Public Cemetery. Halos kada semana may ara suno kay Nestor Genolos, ang caretaker sang patyo.
Liwat na naman nga natabo nga naga dagsa ang patay sa Covid-19 parehos sa natabo sang nagliligad nga mga binulan.
Ang masubo kay wala man lang sang pamilya nga upod sa paglubong sa himata. Pag dul-ong sang punerarya, sila na lang ang naga mato mato lubong. Wala na gani sang bakante nga pantyon.
Kun may ilubong, kinahanglan gid ubrahan sang pantyon.
Base sa iya nga lista, humalin sang sugod sang bulan sang Setyembre kinse na gindala diri nga napatay sa Covid-19.
SOP kuno nga sa sulod sang dose oras dapat gilayon nga ma lubong ang patay. Indi man tanan maka sarang mag bayad magpa cremate gani may mga gina dala gid sa patyo kag gina lubong.
Wala pili ang oras sa pagpa lubong, kinahanglan abe nga mahingagaw lagas ang dose oras
Sa pihak sang sinakuay sa paglubong daw nangin play ground na sang sini nga mga kabataan ang patyo.
Gwa sulod lang sila diri.
Naga pasalamat na lang si Genolos nga humalin sang nag sugod ang pandemic wala pa sang isa sa ila nga naga trabaho sa patyo nga nalatnan sang virus.
Halos tanan sa ila nabakunahan na pero may iban nga nahadlok sa bakuna pero suno kay Genolos wala ya nahadlok maglubong sa napatay sa Covid.