As of August 31, 15 ang ginreport rabies cases sang Negros Occidental kag isa naman ang sa Bacolod.
Ini sandig sa record sang Provincial Veterinary Office sang Negros Occidental.
Ang siudad sang Himamaylan ang may tatlo ka kaso sang rabies, tig duha naman ang Victorias, Cauayan kag Pontevedra. Tig-isa ang kaso sang rabies sa Eb Magalona, Toboso, Sagay, Kabankalan, Talisay kag Silay.
Sang 2020, sa kasubong nga tion, 13 ang gin-report kaso sang rabies. Padayon naman ang pagbakuna sa mga ido, kag sa bulan sang Agosto, 7,325 ang nadapatan sang rabies vaccine kag 54 naman ang na kapon.
Humalin Enero tubtob Agosto, 103,106 ang nabakunahan nga mga ido.