Dengue related deaths sa Negros Occidental ang nag dangat sa katorse.
Sa report sang Provincial Health Office as of October 12, may isa ka bag-o nga dengue related death ang na-record. Humalin Enero tubtob Oktubre 12, may 4,922 ka dengue case ang na-record. 295 percent ini nga mas mataas kun ipaanggid sa kasubong nga tion sang 2023. Pinaka madamo nga apektado sang dengue suno sa PHO ang yara sa 11 to 20 years old nga age group.
Pinaka madamo sang recorded dengue cases ang Bago City – 534 cases, nagasunod naman ang Hinoba-an – 392 cases kag San Carlos City – 372 cases. May 327 cases ang Sagay City nga may isa man ka dengue related death kag ika lima ang Kabankalan City nga may 313 dengue cases kag may isa ka dengue related death.
Padayon ang panugyan sang PHO nga kun nakitaan sang sintoma sang dengue kaangay sang paghilanat, pag palanakit sa lawas, sakit sa ulo kag rashes mag pa check-up sa duktor. Sulit-sulit man ang pahanumdom nga ipabilin nga matinlo ang palibot agudto wala sang may ma teneran ang lamok nga amo ang nagadala sang masakit nga dengue.