May Antonio Luna Street sa Silay City makita ang isa ka orange nga balay kag kalan-an ini ang Calle Luna.
Magluwas sa mga pizza, nachos kag ice scramble, isa sa mga gina balik balikan diri ang halo-halo.
Indi lang isa ukon duha ka mga flavors ang imo pilian, kundi karose tanan!
May original nga super special kun sa diin all ang tanan nga ingredients halin sa ice cream pakadto sa leche flan. May manggo flavor, mango graham, mais con yelo,avocado,halo halod e lecheube con quezo, buko pandan, banana con yelo, mango de leche, mango oreo, amy super special nga ang ice himo sa ube kag kun may available lang nga prutas, may yara man sila sang langka nga halo halo nga gusto mo ipadala sa kilala mo.
Pwede mag dine in pwede itake out.
Istorya sang tag iya nga si Chona Montero, sang nag resign siya sa call center, diri niya gin gamit ang iya separation pay sang una kalan-an lang gid.
Sang naka tilaw sang halo halo sang isa ka kalan-an nga katig-a sang ice nagpamensar siya sang pamaagi kun paano mapanamit ang ice pa lang mismo.
Kag subong bangud sa secret ingredient niya sa paghimo sang flavored ice, ginbalik balikan sang mga tawo ang ila nga halo halo.
Sang peak sang pandemic gani kuno maka paubos sila sang halos dos siyentos ka cups sa kada adlaw. Subong nga amat amat na balik sa normal ang tanan, bisan tig-ululan maka singkwenta sila ka cups.
Subong may branch na sila sa Talisay City kag naga plano man sila nga mag branch out pa gid sa Bacolod kag Victorias City!