128 na ka mga tolda ang tigayon nga na-install sa tent city sa Himamaylan.
Target nga mangin operational ang tent city sa katapusan sang bulan sang Pebrero.
Suno kay Office of the Civil Defense – NIR Director, Donato Sermeno, III, nag dugang sang pwersa gikan sa militar kag mga volunteer groups kaangay sang Army reservists kag Boy Scouts.
500 ka mga tolda ang target nga ipatukod kag as of February 3, 128 ang na install.
Ang tent city para sa mga dugang nga evacuees enkaso magsaka sa alert level 4 ang bulkan Kanlaon.
Padayon pa ma ang ground improvement gamit ang mga heavy equipment kasubong man ang pag layout sang para sa water supply.
Samtang, tigayon na nga naka present sang ila nga contingency plan para sa Alert level 4 ang Bago City.
Bwas naman natalana ang Canlaon City kag natalana man mag present ang La Carlota City.
Gina buligan pa ang La Castellana bahin sa technical nga aspeto suno kay Sermeno.
“Hopefully by the end of February (mangin operational) siguro, kun padayon ang operations. Ongoing ang ground improvement. May heavy equipment sa area. Sige man ila flatten sa surface pag tinlo kag naka layout. Na energize na, may mga suga na didto. Ang next nga target ang pag layout sang water distribution”, suno kay Sermeno.