Tigayon naman gid nga nag-resume ang face to face classes sa mga banwa kag siudad nga labing na igo sang bagyo Tino.
Pero may yara pa gid sang pila ka mga eskwelahan nga indi pa sa gihapon ma pat-od kun san-o maka balik ang face to face classes bangud sa kadaku nga kahalitan.
Ang Don Benito Lopez Elementary School sa Tinongan, Isabela, sang Lunes base sa post sang eskwelahan, masobra sa 50 ka mga estudyante gikan sa 150 nila ka mga learners ang nag balik eskwela.
Apesar sang kahalitan nga natuga sang bagyo Tino sa eskwelahan, natigayon ang liwat nga pagklase.
Sa mga litrato, makit-an ang pag patigayon sang flag raising ceremony nga makit-an pa ang nagkalaguba nga infrastructure tuga sang bagyo.
Ang pamuno sang eskwelahan mismo ang naghangkat sa komunidad nga mag hugpong kag ululupon nila nga atubangon ang pag panghangkat para mapadayon ang pagtuon sang kabataan apesar sang naagyan.
Suno kay Gladys Sales ang Negros Occidental Schools Division Superintendent may mga eskwelahan pa nga mahimo malawigan pa sang isa ka bulan kag matigayon ang pag balik sang face to face classes kaangay na lamang sa Bulad Elemenatary School sa Isabela man nga tubtob sa 8 feet ang tubig baha sang bagyo Tino.
Amo man ang Jose Pepito Montilla Garcia Sr National High School sa Moises Padilla nga natam-an.
Gina tinguhaan sang DepEd nga maka padayon ang mga kabataan sang pagtuon.
May Emergency Learning Kit man ang Negros DepEd nga daw naga serbe nga additional learning activity nga na disenyo para sa mga wala naga face to face. Ini suno kay Sales kun yara pa man ang materials kag wala nadala sa baha.
Gina haylo nila ang mga eskwelahan nga maka pangita sang mga hulot sa komunidad kun sa diin sila maka tipon kag makapatuman sang face to face classes.
“Ang akon gani isa ka advise sa ila mangita sila anay sa community, basi may mga simbahan na da or iban nga structure nga pwede ka face to face bisan amat-amat lang. Bisan once a week lang dira sila ma meet. Maa modular kag bisan once a week lang sila maka face to face”, suno kay Sales.*