Masako na ang pagpanghanda sang stage kag mga canopy tent sa Bacolod City Government Center nga gamiton sa natalana nga mass oath-taking sang elected city officials sang siudad mayorya diri katapo sang Asenso Bacolod nga ginapangunahan ni outgoing Mayor Albee Benitez.
Ang alkalde nga maga-serbe bilang Congressman sang lone district ang magapanumpa kay Barangay 18 Punong Barangay Madeline Diaz.
Indi pa man mapat-ud kun bala si DILG Secretary Jonvic Remulla ang maga-administer sa pagpanumpa ni incoming Mayor Greg Gasataya.
Ginsiling ni Gasataya nga isa ka national government official ang naimbitahan niya sa oath-taking ceremony.
Isa naman ka judge ang maga-administer sang oath nanday Vice-Mayor elect Claudio Puentevella kag napulo ka mga elected city councilors.
Sa inaugurasyon ginapaabot nga igapatpat sang incoming mayor ang iya mga priority projects para sa siudad.