Tatlo ka mga persona, lakip na ang isa ka estudyante ang gindakup sang katapo sang City Drug Enforcement Unit sa ginpatigayon nga buy-bust Lunes sang gab-i, sa isa ka subdivision sa Barangay Tangub, syudad sang Bacolod.
Na-recover sa nasambit nga operasyon ang 10 gramos sang ginasuspetsuhan shabu kag lapit apat ka kilo nga dried marijuana leaves, tanan nagabalor ₱524,000.
Magapangatubang ang mga gindakup sang kaso angut sa paglapas sang Republic Act 9165 ukon ang Comprehensive Dangerous Drugs Act of 2002.
Bangud sang pagka-diskubre sang ginakabig liquid marijuana, ginsiling ni BCPO Director Police Colonel Joeresty Coronica nga mas pabaskugon nila ang intelligence monitoring agud mapunggan ang pagbaligya sang illegal substance nga ginagamit sa vape.