Masobra tunga sa milyon ka pesos nga nga balor sang iligal nga droga nakuha sa isa ka high value drug personality sa Bacolod City.
Nadakpan sang katapo sang City Drug Enforcement Unit ang isa ka ginakabig High Value Individual sa ginpatigayon nga buy-bust operation sa Purok Arao, Barangay Vista Alegre sa Bacolod City, Lunes sang kaagahon.
Ginkilala ang gindakup kay alyas “Nok”, 20-anyos, residente sang Brgy. Vista Alegre.
Nakuha sa iya ang walo ka pakete sang ginasuspetsuhan shabu, isa ka libo ka pesos nga buy-bust money kag iban pa nga non-drug items.
Ginabulubanta 85 grams ang suspected shabu nga narekober sang kapulisan sa suspek nga nagabalor sang P578,000.
Kaso nga pagsupak sa Republic Act 9165 ukon Comprehensive Dangerous Drugs Act of 2002 ang ipasaka batok sa gindakup.*
[sibwp_form id=1]