Nakuhaan sang P544,000 nga balor sang suspected shabu ang isa ka drug personality nga ginakabig High Value Individual sa Bacolod City.
Kaina sang kaagahon, ginpatigayon ang buy-bust sa Purok Bolinao, Barangay 1 sa Bacolod kag subject ang 26-anyos nga si alyas “Boyboy”.
Narekober sang katapo sang City Drug Enforcement Unit halin sa subject ang 11 ka pakete sang suspected shabu nga nagabug-at sang 80 grams.
Kaso nga pagsupak sang Republic Act 9165 ukon Comprehensive Dangerous Drugs Act of 2002 ang ipasaka batok kay alyas “Boyboy.”