Arestado ang mag live in partner nga lunsay high value target matapos makuhaan sang shabu nga nagabalor sa masobra tunga sa milyon ka pesos sa buybust operation sa Purok Candelaria, Barangay Sum-ag.
Mismo sa apartment sang mag live in partner nga sanday Gabriel Llenos Jr kag Geraldine Bawaan ginpatigayon ang buybust.
19 ka sachet sang suspected shabu nga nagabalor sa 530,000 pesos ang nakuha sa ila.
Si Llenos nga sang nagligad bulan lang naka gwa sa presuhan ang liwat naman pasakaan sang kaso nga paglapas sa RA9165 upod ang iya partner.