Isa ka teenager kag isa ka babaye ang nakuhaan sang 100 gramos ukon P680,000 nga balor sang ginasuspetsuhan shabu sa Bacolod City kaina sang aga.
Ginpatigayon sang katapo sang City Drug Enforcement Unit ang buy-bust sa Purok Lilang, Barangay Banago.
Dakup ang subject sang buy-bust nga amo ang 18-anyos nga si alyas “Teodolo” kag ang iya upod nga si alyas “Veronica”, 26-anyos, pareho nga residente sang Bacolod.
Nakabaton sang impormasyon ang CDEU gikan sa confidential informant kag mga concerned citizens nga nagabaligya ang soltero sang iligal nga droga.
Nagpatigayon sang surveillance ang otoridad agud i-validate ang report, kag kaina sang aga, tigayon nga nabaklan sang poseur buyer ang subject sang ginasuspetsuhan shabu.
Pasakaan sila sang kaso nga paghupot kag pagbaligya sang iligal nga droga.
[sibwp_form id=1]