Nakakumpiskar ang otoridad sang P884,000 nga balor sang ginasuspetsuhan shabu sa ginpatigayon nga buy-bust operation sa Purok Kagaykay, Barangay 2 sa Bacolod City, kaina sang kaagahon.
Dakup sa nasambit nga operation si alyas “Nang,” 54-anyos.
Nakuha sa babaye ang siyam ka pakete sang suspected shabu nga nagabug-at sang 130 gramos.
Nakabaton sang impormasyon ang kapulisan nga nagapakigbahin sa transaksyon sa iligal nga droga si alyas “Nang”, ilabi na sa Brgy 2, Brgy. 3 kag Banago, gani nagpatigayon sila sang casing kag surveillance operations.
Sang nag-positibo ang impormasyon, nagpatigayon sang buy-bust ang kapulisan batuk sa subject, nga ginakabig high value individual.*